header-img

Xəbərlər

SƏLAHİYYƏTLİ NÜMAYƏNDƏ SƏDƏRƏK RAYONUNDA VƏTƏNDAŞLARI QƏBUL EDİB

29 yanvar 2026

Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilov Sədərək rayonunda vətəndaşları qəbul edib.
Sədərək Rayon İcra Hakimiyyətinin inzibati binasında keçirilən qəbulda 100-dən artıq rayon sakininin, o cümlədən şəhid ailə üzvlərinin və müharibə iştirakçılarının müraciətləri dinlənilib.
Qəbul zamanı vətəndaşlar, əsasən, sosial təminat, məşğulluq, əlillik, reabilitasiya, kommunal xidmətlər, içməli və suvarma su təsərrüfatı, həmçinin digər sosial məsələlərlə bağlı müraciətlər ediblər.
Səlahiyyətli nümayəndə qaldırılan məsələlərin hər birinin qanunvericiliyin tələblərinə uyğun şəkildə araşdırılacağını və onların həlli istiqamətində müvafiq tədbirlərin görüləcəyini bildirib.

Digər Xəbərlər